Spórt na scoile
Laistigh don tréimhse réasúnta ghearr atá Gaelcholáiste na Mara ar an bhfód tá traidisiún thar a bheith láidir spórt leagtha sios againn. Is cuid lárnach é an spóirt don oideachas iomláin a fhaigheann buachaillí agus cailíní sa Ghaelcholáiste. Is iad na cluichí gaelacha agus sacar na cluichí is rathúla go dtí seo i stair spóirt na scoile. Bíonn na fóirne i bpeil Ghaelach agus sacar an iomaíoch i gcomórtaisí sa chontae agus ag leibhéal Laighean. I measc na héachtaí éagsúla atá bainte amach againn le roinnt blianta anuas is iad an Craobh Laighean'A' faoi 17 sa sacar agus an Craobh shóisear sa Pheil Ghaelach i gCill Mhantáin an dá chomórtas is mó atá buaite againn go dtí seo. An rud is suntasaí faoin dá éacht sin ná go rabhamar an scoil is lú riamh chun na comórtaisí sin a bhuachaint. Gan amhras seachas rudaí a bhuachaint tá sé tábachtach agus fiúntach a bheith páirteach agus bíonn rannpháirtíocht againn sna himeachtaí spóirt seo a leanas:-
- Peil Ghaelach
- Iomáint
- Camógaíocht
- Sacar
- Lúthchleasaíocht
- Rugbaí
- Seó-léimnt
- Snámh
- Cispheil
- Galf
Tá spiorad láidir i measc na scoláirí a ghlacann páirt agus bíonn na daltaí ag forbairt scileanna sóisialta agus gan amhras obair fóirne agus iad ag imirt, scileanna a sheasfaidh leo sa todhchaí cinnte.
